சுவிஸ்ஸில் புற்றுநோய் உள்ளவர்கள், அல்லது ஏற்கனவே வந்து குணமானவர்கள், கிட்டத்தட்ட 5 லட்சம் பேர் இருப்பதாகப் புதிய ஆய்வு சொல்கிறது.
20 வருடங்களுக்கு முன் இந்த எண்ணிக்கை இதில் பாதியளவுதான். புற்றுநோய் விவரங்களைப் பதிவு செய்யும் தேசிய நிறுவனம் (Nicer) இந்த ஆய்வைச் செய்தது. சுவிஸ் முழுவதும் இப்படிக் கணக்கெடுப்பது இதுவே முதல் முறை.
எண்ணிக்கை கூடியதற்கு இரண்டு காரணங்கள். முதலாவது, சிகிச்சை முறைகள் முன்னேறியுள்ளன. நோயும் முன்கூட்டியே கண்டுபிடிக்கப்படுகிறது. அதனால் அதிகமானோர் உயிர் பிழைக்கிறார்கள். இரண்டாவது, சுவிஸ்ஸில் மக்கள் தொகை கூடுகிறது. மக்களுக்கு வயதும் ஏறுகிறது. அதனால் நோய் வருபவர்களும் அதிகமாகிறார்கள்.
சுவிஸ் புற்றுநோய் சங்கம் (Krebsliga) நோயாளிகளுக்கு இன்னும் அதிக உதவி தேவை என்கிறது. சிகிச்சை மட்டும் போதாது, குணமானவர்கள் நீண்ட காலம் நன்றாக வாழ வேண்டும் என்பதே நோக்கம். இதற்காக வின்டர்தூரில் (Winterthur) ஒரு சோதனைத் திட்டம் நடக்கிறது. தேவைப்படுபவர்களுக்கு ஒரு வழிகாட்டி (coach) துணையாக இருப்பார். விரைவில் டிசினோ (Ticino) மாநிலத்திலும் இது தொடங்கும்.
புற்றுநோயை வெல்வதற்கான வாய்ப்பு இன்று முன்னெப்போதையும்விட அதிகம் என்று நிபுணர்கள் சொல்கிறார்கள்.
மூலம்: SRF
புகைப்படம்: National Cancer Institute / Unsplash
