சுவிஸ்ஸில் லிஸ்டீரியா (Listeria) கிருமி கலந்த மேலும் சில மென்மையான பாலாடைக்கட்டிகளை உண்ண வேண்டாம் என்று மத்திய உணவுப் பாதுகாப்பு மற்றும் கால்நடை மருத்துவ அலுவலகம் (OSAV) செவ்வாய்க்கிழமை எச்சரித்துள்ளது.
கூடுதல் பரிசோதனைகளில் இந்தக் கிருமி கண்டறியப்பட்டது. எபர்லே ஸ்பெஷாலிட்டேன் (Eberle Spezialitäten), ஸ்ட்ரேல் கேஸ் (Strähl Käse) ஆகிய இரு நிறுவனங்கள் தயாரித்த, சற்றுப் பழைய தொகுதி (lot) பாலாடைக்கட்டிகளில் இது இருந்தது.
இதற்கு முன்பு அக்டோபர் 27, 29 ஆகிய தேதிகளில் OSAV இரண்டு எச்சரிக்கைகளை வெளியிட்டிருந்தது. புதிய கண்டுபிடிப்புக்குப் பிறகு, திரும்பப் பெறும் பட்டியல் இப்போது விரிவாக்கப்பட்டுள்ளது. இரு நிறுவனங்களும் இந்தப் பொருட்களை கடைகளிலிருந்து எடுத்துவிட்டன.
யாருக்கு ஆபத்து அதிகம்?
லிஸ்டீரியா மோனோசைட்டோஜீன்ஸ் (Listeria monocytogenes) கிருமித் தொற்று, ஆரோக்கியமானவர்களுக்கு பொதுவாக லேசாகவே இருக்கும். ஆனால் கீழ்க்காண்பவர்களுக்கு கடுமையான சிக்கல்கள் வரலாம்:
- முதியவர்கள்
- நோய் எதிர்ப்பு சக்தி குறைந்தவர்கள்
- சிறு குழந்தைகள்
- கர்ப்பிணிப் பெண்கள்
கர்ப்ப காலத்தில் இந்தத் தொற்று கருச்சிதைவுக்கும் வழிவகுக்கக்கூடும் என்று OSAV கூறுகிறது.
நம் மக்களுக்கு என்ன செய்ய வேண்டும்?
வீட்டில் மென்மையான பாலாடைக்கட்டி இருந்தால், அது இந்த இரு நிறுவனங்களின் தயாரிப்பா என்று லேபிளைப் பார்த்துக் கொள்ளுங்கள். சந்தேகம் இருந்தால் சாப்பிட வேண்டாம். வீட்டில் முதியவர்கள், குழந்தைகள், கர்ப்பிணிகள் இருந்தால் கூடுதல் கவனம் தேவை. பாதிக்கப்பட்ட பொருட்களின் முழுப் பட்டியலை OSAV இணையதளத்தில் பார்க்கலாம்.
மூலம்: Le Matin
